Dýshanbe qalasynda Ult Saraıynda Qazaqstannyń Tájikstandaǵy Elshisi Asqar Tájibaevtyń Tájikstan Respýblıkasynyń Prezıdenti Emomalı Rahmonǵa senim gramotalaryn tabystaý saltanatty rásimi ótti. Bul týraly SIM-niń baspasóz qyzmeti habarlady.
Rásim barysynda E.Rahmon qazaqstandyq-tájik qatynastarynyń joǵary deńgeıin atap ótip, eki el arasyndaǵy ózara tıimdi, dástúrli dostyq ózara is-qımyldy odan ári damytýǵa daıyn ekendigin bildirdi. Sondaı-aq, Tájikstan Prezıdenti Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevqa jáne Prezıdent Qasym-Jomart Toqaevqa izgi tilekterin jetkizip, jańa elshige qazaqstandyq-tájik yntymaqtastyǵyn nyǵaıtý baǵytynda sátti jáne jemisti jumys tiledi.
О́z kezeginde A.Tájibaev Tájikstan Prezıdentin eki el basshylarynyń memleketter arasyndaǵy ejelgi baýyrlastyq pen dostyq qatynastaryn nyǵaıtý jáne keńeıtý jónindegi mindetterin oryndaýda Elshilik barlyq kúsh-jigerin jumsaıtyndyǵyna sendirdi.